juni 2019Monthly Archives

Komande søndag vil pastor Jens Thoresen tala over Apostelgjerningane 2,37-47. Det handlar litt om responsen på Peters pinsetale, og om livet slik det vart for dei første kristne. I denne teksten finn me nøkkelen til å leva sunne og framgangsrike kristenliv. Vel møtt i Kristkyrkja kl 11.

Tema for gudstenesta 1.pinsedag blir «Forvandla av Den Heilage Ande». Me er heldige som får leva i denne tida då Guds rike er ope for alle menneske, og då alle kan erfara å bli forvandla av Den Heilage Ande, bli Guds barn av nåde ved trua på Jesus. Me ser det skjer i alle land, at folk vender seg bort frå synd og vondskap og til Jesus Kristus. Dei erfarer tilgjevinga si kraft, blir reinsa frå all sin ureinskap og blir eit folk med framtid og håp. Velkomen til pinsedagsgudsteneste søndag kl. 11.