På gudstenesta i Kristkyrkja i dag talte Ingvild Nordfonn strålande om korleis me kan utvikla nært venskap med Den Heilage Ande. Kanskje du skulle lytta til den? Mange av oss vart klokare i dag
http://www.mediafire.com/file/e3tmse019s9g1jc/2017_06_25_Ingvild_talar_om_Den_Heilage_Ande.mp3
Komande søndag er det Ingvild Nordfonn som skal tala i Kristkyrkja. Ho skal, som de ser, snakka om Den Heilage Ande og om det som er hans gjerning i liva våre. Det gler me oss til å høyra. Vel møtt kl 11.
Komande søndag vil Jørn Rune Reinertsen tala over Matteus 7,24-29. Det er avslutninga på Bergpreika, og Jesus seier at dei som byggjer liva sine på det han har sagt i denne talen, byggjer på fjellfast grunn, og vil bli ståande i alle slags stormar. Men dei som neglisjerer Jesu ord og lever liva sine etter sitt eige hovud, vil koma til å lida nederlag når livsens stormar bryt laus.
Kom på gudstenesta søndag kl 11 og høyr meir om dette umåteleg viktige emnet.
I går var det den store male og beisedagen. På bilete ser du Terje og Lars Vikestrand og Karin Eldøy i full gong med å beisa ein terrasse. Humøret var på topp, og då det i etterkant vanka pizza, blomster og twist, ja, då trur eg alle var kjempefornøgde, både arbeidarar og «kunde».
I dag er det siste dagen. Me har to hageoppdrag igjen å ta oss av, og vil du vera med å gjera noko meiningsfullt før pinsehelga set inn, hiv deg på du også.
I laupet av dei tre første dagane av Godhet 2017 har me gjennomført rundt 10 oppdrag. Me har stelt hagar, fiksa opp ei ytterdør, henta og montert ein oppvaskmaskin, kasta ein gamal, spylt terrassar, skrapa maling både her og der, vaska ned eit kjøkken, tørka støve, vaska golv m.m. Som alltid: Kjempegøy og muntert og fellesskapande. På bilete over ser du arbeidsgjengen som var ute i går, 31.mai.
Om nokon har lyst å vera med på moroa, så må de berre møta opp på Horneland bedehus i dag og i morgon den 2 juni kl. 17. Der blir det briefing, kaffi, fordeling av oppgåver og bøn. Kjekke ting 🙂
Knut Arve Nordfonn i ein hage der han fiksa opp i nokre overgrodde blomebed.
Knut Vikestrand i sving med plen og kantklypping i den same hagen.
