DiverseCategory Archives

På søndag vil pastor Jens Thoresen tala over Salme 67. Denne salma lærer oss at når Israel nasjonalt aksepterer Jesus som Messias, blir det ei mektig misjonstid på jorda. Då kjem den siste store innhaustinga av menneske i Guds rike før Jesus kjem tilbake for å døma levande og døde, og gje evig frelse til alle som trur. Du er hjarteleg velkomen til å få med deg dette, og for å ta del i fellesskapet vårt. Ingvild Nordfonn leier lovsongen, og me skal ha nattverd som seg hør og bør. Og treng du forbøn for eit behov, så vil me gjerne vera med å be for deg.

Denne søndagen inviterer me deg til å dela med oss andre alt det gode Gud har gjort for deg i året som ligg bak, smått og stort.

Alle kan ta med seg eit bidrag i form av frukt og/eller grønt til hausttakkefesten.

På gudstenesta i dag var det samla folk frå 7 ulike nasjonar. Kristkyrkja er eit fargerikt fellesskap.

Det skjedde mykje i Kristkyrkja i dag. Marie vart 70 år den 23.september. I dag feira me henne med felles middag etter gudstenesta laga av vår gode venn Harald Ersland. God stemning frå A til Å. Marie er diakon i kyrkjelyden, og er uvanleg viktig og verdfull person for mange.

I dag vart Svetlana Sætre innsett som diakon i Kristkyrkja, ei storhending for kyrkjelyden. Svetlana er ei forstandig kvinne med eit stort hjarta for Jesus og sine medmenneske.

Her er manus til dagens tale som handla om kristne som blir forfølgde og diskriminerte på mange ulike måte. Bibelen formanar oss alle å hugsa på dei som er utsette for urett som om me var i deira plass. Eli Minde underviste levande og innsiktsfullt om dette emnet.