Velkomen til gudsteneste søndag 19. oktober kl 12.
Meir enn 350 millionar kristne i verda er forfølgde fordi dei trur på Jesus. Verst er situasjonen i Nord Korea der folk kan bli dømde til døden for å eiga ein bibel. Men både Kina og Iran trugar med lange fengselsstraffer for å engasjera seg i ein illegal kyrkjelyd, eller for å snakka med nokon om Jesus og vegen til frelse.
Denne søndagen vil me setja fokus på denne viktige saka, og det er Eli Minde som skal tala. Eli har i mange år hatt eit djupt engasjement for dei forfølgde, og ho har mange år bak seg som medlem av representantskapet i Stefanusalliansen, ein norsk kristen menneskerettsorganisasjon. Søndag tek me opp kollekt til Stefanusalliansen.
Etter gudstenesta er alle invitert til eit betre måltid mat.
