januar 2015Monthly Archives

På gudstenesta søndag er det Marit Helene Aas som skal tala. Det kan me ha stor forventning til. Men før ho slepp til, skal me alle vera med og prata om teksten rundt borda. Teksten som dannar utgangspunkt for talen og samtalen er Apostelgjerningane 10,38, der Peter seier om Jesus at » at Jesus frå Nasaret vart salva av Gud med Den Heilage Ande og kraft, og at han gjekk ikring og gjorde vel og lækte alle som djevelen hadde fått i si makt; for Gud var med han.»

Pastor Jens Thoresen har ansvaret for søndagsskulen, og han skal snakka om vinunderet som Jesus gjorde då han var i bryllaup i Kana i Galilea.

VEL MØTT BÅDE STORE OG SMÅ!

Her er ein film om Vinunderet. Den skal me sjå på søndag:

Etter gudstenesta 4.januar hadde me ein flott bursdagsfeiring for Marit Helene Aas. Ho fylte 50 1. nyttårsdag. Det var gjester frå kyrkjelyden, familien og kollegaer. Ei skikkeleg munter og fin stund vart det med 70 gjester, masse god mat og kjekke talar.

På gudstenesta talte pastor Jens Thoresen om «godleik», med hovudvekt på kor viktig det er for oss at me alltid er i mottakarposisjon overfor Gud. Lytt til talen under.

http://www.mediafire.com/listen/8t6xb059mhdj9jj/Godleik_1._Pastor_Jens_Thoresen.WMA

Så har me gleda av å invitera alle i nærleiken til GUDSTENESTE i Utbygdo grendahus søndag 4. januar kl. 11. Fram til påske skal me snakka om GODLEIK. Det er fundamentet for heile kristendomen. På søndag set me fokus på «fotvaskinga», og legg vekt på kor avgjerande viktig det er for oss Å TA IMOT Guds godleik før me kan gje han vidare til andre. Vel møtt. Det blir søndagsskule om dei tre vise menn, og lovsong som «står i taket», får me håpa. Jesus er i alle fall verd ein skikkeleg innsats her. Det er pastor Jens Thoresen som talar søndag. Be gjerne om at Gud, framfor alle, trer inn mellom oss og gjer sine sterke og fine ting.