mai 2013Monthly Archives

2.juni er det gudsteneste på  Bjelland bedehus kl. 11. Det blir ved eit tilfelle både tale og søndagsskule v/ pastor Jens Thoresen denne gongen. Men det skal gå bra. Tema for talen vert «dei første kristne». Det er eigentleg veldig interessant dersom me tenkjer oss at desse levde slik Gud hadde tenkt at kristne skulle leva. Teksten er Apostelgjerningane 2,42-47. Elles vil eg lesa ein del frå boka til Etiopiamisjonær Agne Nordlander, «Kirke i vekst og smerte», som handlar om korleis Gud gjennom dei siste 60-70 åra har aust Anden sin ut over Etiopia, med det resultat at dei truande der lever liv som liknar veldig på slik dei første kristne levde.

På søndagsskulen blir temaet «Peter i fengsel». Det er ei sterk fortelling om kor suveren Gud er. Her blir det drama og greier.

Velkomen til fellesskap, undervisning, lovsong og nattverd.

Laurdag 1.juni skal me ut på gata om kvelden for å dela Guds gode nyheiter med dei som ferdast der. Me møtest kl 21.30 på torget for å rigga og be. Alle som vil prøva seg som evangelistar, er velkomen til å vera med. Det er ei god erfaring.

Bilde er henta frå www.bjornolav.blogspot.com

Den siste dagen på weekenden vart like fin og smilande som dei to første. Her følgjer nokre inntrykk:

Og Ingvild Nordfonn leida lovsongen som vanleg på framifrå vis. Gud kom oss så nær.

Ei gruppe med jenter fann ut at dei kunne synga saman, og det gjorde dei. Tone Synneve Hellesøy hjalp dei, og det vart veldig bra. Her vart det sanneleg song til Jesu ære 🙂

Laurdag kveld og søndag føremiddag var det tale av pastor Jens Thoresen. Første handla om korleis me kan røra ved Guds hjarta slik at han svarer positivt på bønene våre, og den andre om høve mellom Guds ånd og Guds ord, ut frå Jesu ord om at «mine ord er ånd og liv.»

Du kan lytta til dei her.

http://www.mediafire.com/download/91i065wnib1bw13/Pastor_Jens%2C_korleis_r%C3%B8ra_ved_Guds_hjarta.WMA

http://www.mediafire.com/download/wrx8aro86aaliai/Pastor_Jens%2C_Jesu_ord_er_%C3%A5nd_og_liv.WMA

Solgry møtte oss med strålande sol denne gongen også. Rett nok litt kald nordavindsluft, men det har ikkje langt nokon  dempar på stemninga. Me har så langt hatt eit fantastisk opphald :).

Dagen starta med flaggheising og «Gud signe vårt dyre fedreland». Vel, først var det forresten ein times bøn.

Familiemøte laurdag føremiddag. Marit, Knut og Jens dramatiserer helbredelsen av den lamme mannen ved tempelporten.

Så var det full rulle med Go-cart. Her er det Merzhad som er i farten.

David og Tone Synneve har nett vore på ein padletur på den vesle innsjøen like nedfor Solgry.

Fredags kvelden talte Gro sterkt og fint om Guds godleik.

Lytt her: http://www.mediafire.com/download/jnas8r1olkqv8oa/Gro_Jansson%2C_Guds_godleik.WMA

Fredag til søndag 24.-26. mai reiser kyrkjelyden på weekend til Solgry. Me gler oss veldig til denne årlege turen, og det ser ut til at me skal få like fint vær i år som me har hatt tidlegare år. Om nokon har lyst å vera med på møtene, er alle velkomen til det. Sjå brosjyren.

Brosjyre 2013

Pinsedag kom Den heilage ande til dei første kristne med kraft. Var dette ei eingongshending, eller kan me forventa at Gud utrustar si kyrkje med kraft også i vår tid? Svaret på det spørsmålet er ja, og det er denne bibelske sanninga me skal sjå nærare på under gudstenesta på søndag. Den gode bodksapen er: Det finst ein veg for deg inn i ein kristenliv med overskot og energi.

Hjarteleg velkomen til gudstenesta i Utbygdo grendahus. Me startar kl. 11. Annbjørg Reinertsen vil halda andakt for dei små, og pastor Jens Thoresen talar for dei vaksne.