januar 2013Monthly Archives

Me hadde to veldig gode dagar med elevane frå Veien bibelskule som besøkte oss i helga. Dei var saman med oss på torget natt til søndag, og fekk vera med å be for mange, mange unge som vart synleg berørt av Guds kraft. Som me har skrive før: Unge menneske på Stord er veldig opne for Gud, det er berre eit spørsmål om tid før me får hausta inn det me har sådd ut.

Søndag var elevane med på gudstenesta som dei løfta opp nokre hakk. Dei var glade for det dei hadde fått opplevd her på Stord, og me ønskte dei velkommen tilbake.

Beklagar at denne sida ikkje lenger taklar å lasta opp bilete. Men dersom du er interessert finn du dei på Facebook. Søk opp sida til Kristkyrkja på Stord

13 elevar frå Veien bibelskule besøker oss denne helga. Dei bur rundt omkring i heimane våre. På dagtid har dei base i Bjelland bedehus der dei har fellesskap før dei går ut på gata for å prata med folk, be for dei og velsigna dei.

Laurdag kveld møter alle i Kristkyrkja som ønskjer det på Bjelland bedehus kl. 22.  for å be før me alle går ut for å fortelja folk om Jesus og skapa litt hyggeleg miljø med bålpanne, lapper og kaffi. Det har vore ein god kombinasjon før, og vil vera det på laurdag. Me tek campingvogna med oss.

Søndag er det gudsteneste på grendahuset kl. 11. Då blir også Veienelevane med og deler vitnemål med oss og er med på barnesamlinga og under forbønstenesta.

Som alltid blir det lovsong, misjonsbøn og nattverd.

Harald Ersland skal tala på søndag, og det gleder me oss veldig til.

Etter gudstenesta vert det god mat og sosialt fellesskap.

Be om at gudstenesta må få høg kvalitet og prega av at Den heilage ande også kjem på besøk til oss denne søndags føremiddagen.

KOLLEKTEN DENNE SØNDAGEN GÅR TIL VEIEN BIBELSKULE. La oss velsigna ei på skikkeleg vis 🙂

http://www.mediafire.com/?ni1gfyczk9odip8

Det var både   inspirerande og opplysande å lytta til pastor Hung i føremiddag. Han tala om den guddommelege autoriteten som Gud har gjeve kyrkja, ein autoritet som dei kristne utøver dageleg i Vietnam på ulike frontar. Det er kyrkja som skal bestemma kva som skal skje i eit land, sa han mellom anna. Klikk på linken oveer. Lytt og bli litt klolare. Lukke til.

Søndag den 20.januar besøker me Stord Bibelsenter. Dei får besøk av pastor Hung frå Vietnam, og dei vil gjerne dela han med oss. Pastor Hung reiser rundt i Noreg saman med Erik Jensen i Asia Link. Møtet startar kl. 11.00.