juni 2011Monthly Archives

24-26 juni var me på Wycliffehelg i Drammen. Det gav oss mykje. Her fekk me møta folk som no er i full gang med bibelomsetting i eit minioritetsspråk, andre som hadde gjort jobben ferdig, nokre som står på trappene til å reisa og ein god del heimeverande støttespelarar.  Helena og Leif Engkvist frå «Folk og språk» (Wycliffe) i Sverige var også med og fortalde sterkt om tida si på Ferguson Island. Nedanfor kan du lesa noko av det dei opplevde.

Hans Olav Mørk frå Det norske bibelselskap fortalde om den nye norske omsettinga som kjem til hausten, og så sang han for oss, flotte songar han har laga i ulike fasar av livet.

Hans Olav Mørk fortalde frå sitt eige liv med Ordet gjennom sangar som han har forfatta i ulike fasar av livet

Laurdag var kooridnatoren frå Det norske bibelselskapet saman med oss og fortalde om den nye norske bibelomsettinga som kjem i oktober, og gjennom ord og tonar tok han oss med gjennom ulike fasar av sitt eige liv. Han var med i Guds fred (Jesusrørsla) på 70-talet, i Kirkens bymisjon på 80 og 90 talet og dei siste 12 åra i Bibelselskapet. Han var interessant å høyra på.

Hans Olav Mørk er ein av vår tids store kristne sang og salmeforfattarar, og han gav Wycliffehelga eit godt løft.

Å omsetta Bibelen til norsk er ein omfattande prosess som engasjerer mange menneske med svært ulik bakgrunn : teologisk og språkleg ekspertise og forfattarar som skal sikra at språket fungerar.  Kjekt å få litt innsikt i dette.